Դիմումատուն դիմել էր Պաշտպանի աջակցությանը, օրենքով իրեն պատկանող հողատարածքում շինության թույլատվություն ստանալու համար...

Դիմում (Գործ թիվ 1/1423-11). Դիմումատուն դիմել է Պաշտպանին բողոքով, որ 2009թ. առուվաճառքի պայմանագրի հիման վրա ձեռք է բերել սեփականություն` 82.55 քմ հասարակական հողատարածք հասարակական նշանակության օբյեկտ կառուցելու համար։ Սակայն Երևանի քաղաքապետարանը մերժել է նախագծի համաձայնեցման և շինթույլտվության դիմումները` պատճառաբանելով, որ տարածքը կանաչապատ է, և առկա են ծառեր: Իրականում ճարտարապետահատակագծային առաջադրանքում «հողամասի առկա վիճակը» տողում (որտեղ նաև պետք է նշվի կանաչապատման առկայության մասին) նշված է «անբարեկարգ փոքր թեքությամբ տարածք», իսկ բարեկարգում տողով նախատեսված է հարակից տարածքի բարեկարգում:

Որոշում. Գործն ուսումնասիրելով, Պաշտպանը որոշեց պարզաբանումներ ստանալ Երևանի քաղաքապետից։ Պարզաբանումները հետևյալն են՝ .

1.      Դիտարկվող տարածքը կանաչապատ է և տարածքում առկա  են ծառեր:

2.      Տարածքի հարևանությամբ գտնվող բնակելի շենքերի բնակիչների բողոքները։

3.    Երևանի քաղաքապետարանի աշխատակազմի  ճարտարապետության և քաղաքաշինության վարչությունը և Մալաթիա-Սեբաստիա վարչական շրջանի ղեկավարությունը համատեղ քննարկում են տարբերակներ՝ նշված տարածքը համարժեք տարածքով փոխանակելու ուղղությամբ

Արդյունք. Գործն ուսումնասիրելուց հետո Պաշտպանը որոշել է, որ Երևանի քաղաքապետարանի գործողություններով (անգործությամբ) խախտվել են դիմումատուի իրավունքները: Առաջարկել է լուծել թերացում թույլ տված պաշտոնատար անձին կարգապահական պատասխանատվության ենթարկելու հարցը և միջոցներ ձեռնարկել նման խախտումները բացառելու ուղղությամբ: