Մարդու իրավունքների պաշտպան Անահիտ Մանասյանը հյուրընկալվել է Հանրային հեռուստաընկերության «Հարցազրույց Աննա Դանիելյանի հետ» հաղորդմանը։

Հարցազրույցի ընթացքում Պաշտպանն ընդգծել է, որ 2026 թվականի առաջին կիսամյակում, նախորդ տարվա նույն ժամանակահատվածի համեմատ, շուրջ երկու անգամ աճել է դրական լուծում ստացած անհատական գործերի թիվը։

Անահիտ Մանասյանը նաև անդրադարձել է՝

• ընտրական գործընթացների շրջանակներում արձանագրված մարդու իրավունքների խնդիրներին

• նախընտրական քարոզարշավի ժամանակահատվածում պետական մարմինների, այդ թվում՝ իրավապահ մարմինների, հանրային հաղորդակցության կատարելագործման կարևորությանը

• կալանքի կիրառման համակարգային խնդիրներին

• «հայեցողական արդարադատության» նույնիսկ տպավորությունը բացառելու կարևորությանը,

• փախստականների, բռնի տեղահանվածների և ապաստան հայցողների ձայնը իրենց վերաբերող որոշումների կայացման գործընթացներում լսելի դարձնելու կարևորությանը՝ ներկայացնելով նաև այդ նպատակով Մարդու իրավունքների պաշտպանին առընթեր նորաստեղծ խորհրդի գործունեությունը։