ՀԱՅՏԱՐԱՐՈՒԹՅՈՒՆ

Հայաստանի Հանրապետության մարդու իրավունքների պաշտպանի աշխատակազմում (այսուհետ` Պաշտպանի աշխատակազմ) մասնագիտական պաշտոնների 6-րդ ենթախմբի թափուր պաշտոնը վարկանիշային ցուցակից համալրելու համար

 

Հայաստանի Հանրապետության մարդու իրավունքների պաշտպանի աշխատակազմը հայտարարում է մրցույթ Պաշտպանի աշխատակազմի Քաղաքացիական, սոցիալ-տնտեսական և մշակութային իրավունքների պաշտպանության դեպարտամենտի սոցիալ-տնտեսական և մշակութային իրավունքների պաշտպանության վարչության մասնագետի (ծածկագիր՝ 05-8.1.Ա-Մ6-1) քաղաքացիական ծառայության թափուր պաշտոնը համալրելու համար և վարկանիշային ցուցակի համապատասխան համարներում գրանցված անձանց հրավիրում է հարցազրույցի, որը տեղի կունենա 2026 թվականի հոկտեմբերի 21-ին ժամը 11։00-ին՝ Պաշտպանի աշխատակազմի վարչական շենքում (Հայաստան, ք. Երևան, Պուշկին 56ա)։

 

Պաշտպանի աշխատակազմի Քաղաքացիական, սոցիալ-տնտեսական և մշակութային իրավունքների պաշտպանության դեպարտամենտի սոցիալ-տնտեսական և մշակութային իրավունքների պաշտպանության վարչության մասնագետի (ծածկագիր՝ 05-8.1.Ա-Մ6-1) պաշտոնի բնութագրի, պաշտոնը զբաղեցնող քաղաքացիական ծառայողի համար սահմանված գործառույթների, իրավունքների, պարտականությունների, պաշտոնին ներկայացվող պահանջների՝ պաշտոնի համար պահանջվող կրթության, աշխատանքային ստաժի, աշխատանքի բնագավառում փորձի, մասնագիտական գիտելիքների, կոմպետենցիաների, ինչպես նաև աշխատանքի կազմակերպական լիազորությունների և ղեկավարման շրջանակների մասին տեղեկատվությունը ներառված է պաշտոնի անձնագրում, որի էլեկտրոնային օրինակին կարող եք ծանոթանալ հետևյալ հղմամբ՝ Պաշտոնի անձնագիր։

 

Վարկանիշային ցուցակում գրանցված թեկնածուների մասնակցության հաստատման վերջնաժամկետն է՝  2026 թվականի հոկտեմբերի 9-ի ժամը 24։00-ն։

Հարցազրույցին հրավիրվող անձը հարցազրույցի օրը պետք է ներկայացնի հետևյալ բնօրինակ փաստաթղթերը՝

 

1.  անձնագիր և/կամ նույնականացման քարտ,

2. բարձրագույն կրթությունը հավաստող փաստաթուղթ՝ 042101.00.6 Իրավագիտություն կամ 042101.00.7 Իրավագիտություն մասնագիտությամբ,

3. աշխատանքային գործունեությունը հավաստող փաստաթուղթ (առկայության դեպքում),

4. արական սեռի անձինք՝ զինվորական գրքույկ կամ դրան փոխարինող ժամանակավոր զորակոչային տեղամասից զինվորական կցագրման վկայական կամ համապատասխան տեղեկանք,

Վերոնշյալ փաստաթղթերը օտարալեզու լինելու դեպքում՝ անհրաժեշտ է ներկայացնել նաև  հայերեն պաշտոնական թարգմանությունները։

 

         Հարցազրույցը կանցկացվի «Հարցարան» ձևաչափով։

 

Հարցազրույցի փուլում ստուգվող մասնագիտական գիտելիքները և դրանք կիրառելու կարողությունները կազմված են հետևյալ բնագավառներից՝

• «Հանրային ծառայության մասին» ՀՀ օրենք,

հղումը՝ https://www.arlis.am/hy/acts/230454

• «Քաղաքացիական ծառայության մասին» ՀՀ օրենք,

հղումը՝ ՝ https://www.arlis.am/hy/acts/228250

• «Մարդու իրավունքների պաշտպանի մասին» սահմանադրական օրենք,           հղումը՝  https://www.arlis.am/hy/acts/216711

 

Հիմնական աշխատավարձը՝ 139.776 (հարյուր երեսունինը հազար յոթ հարյուր յոթանասունվեց) ՀՀ դրամ։

 

Նշված պաշտոնին հավակնող անձը պետք է լինի բարեկիրթ, պարտաճանաչ, հավասարակշռված, գործնական, ունենա նախաձեռնողականություն և պատասխանատվության զգացում:

 

Աշխատավայրի հասցեն՝ ք. Երևան, Պուշկին 56ա։

 

Մրցույթին մասնակցել ցանկացող քաղաքացիները մրցույթի վերաբերյալ հարցերի և լրացուցիչ տեղեկությունների համար կարող են զանգահարել 010-53-08-58 հեռախոսահամարով կամ ուղարկել հաղորդագրություն hr@ombuds.am էլեկտրոնային փոստի հասցեին: