Հայ
EnglishՀայEnglishՏառատեսակների չափսեր 1
Կայքի գույներ
Գլխավոր Կապույտ
Գլխավոր Կանաչ
Գլխավոր Մոխրագույն
Տողերի միջարածություն
Տառերի միջարածություն
Տառատեսակ
ՀայEnglishՀայEnglishՏառատեսակների չափսեր 1
Կայքի գույներ
Տողերի միջարածություն
Տառերի միջարածություն
Տառատեսակ
Ենթավերնագիր դրեք ձեր էլ.փոստին, և մենք միշտ ձեզ կտրամադրեք տեղեկություններ և թարմացուըմներ: Ամեն շաբաթ։ (ոչ սպամ)
2026 թվականի առաջին կիսամյակում էական աճ է գրանցվել Մարդու իրավունքների պաշտպանի գործունեության ցուցանիշների տեսանկյունից
2026 թվականի առաջին կիսամյակում էական աճ է գրանցվել Մարդու իրավունքների պաշտպանի գործունեության ցուցանիշների տեսանկյունից:
Մասնավորապես, 2026 թվականի առաջին կիսամյակում, նախորդ տարվա նույն ժամանակահատվածի համեմատ, աճել են Մարդու իրավունքների պաշտպանի աշխատակազմին հասցեագրված գրավոր և բանավոր դիմում-բողոքների, Պաշտպանի թեժ գծին ստացված հեռախոսազանգերի, ինչպես նաև դրական լուծում ստացած գործերի թվերը։
2026 թվականի հունվարի 1-ից հունիսի 30-ը Մարդու իրավունքների պաշտպանի թեժ գիծը ստացել և սպասարկել է 9754 հեռախոսազանգ, ինչը նախորդ տարվա նույն ժամանակահատվածի համեմատ 3389-ով ավելի է։ Աճի միտումն ակնհայտ է նաև ամսական վիճակագրությամբ. եթե 2025 թվականի ապրիլին Պաշտպանի թեժ գիծն ստացել էր 1092 հեռախոսազանգ, ապա 2026 թվականի ապրիլին՝ 1705։ Նույն միտումը պահպանվել է նաև հունիսին. 2025 թվականի հունիսին ստացվել էր 1283 հեռախոսազանգ, իսկ 2026 թվականի հունիսին՝ 2183, ինչը գրեթե կրկնակի աճ է։
Ավելացել է նաև Պաշտպանին հասցեագրված գրավոր և բանավոր դիմում-բողոքների թիվը. եթե 2025 թվականի առաջին կիսամյակում ստացվել էր 10 279 դիմում-բողոք, ապա 2026 թվականի նույն ժամանակահատվածում դրանց թիվը հասել է 13 467-ի։
Միաժամանակ զգալիորեն աճել է նաև դրական լուծում ստացած բողոքների թիվը. եթե 2025 թվականի առաջին կիսամյակում դրական լուծում էր ստացել 665 բողոք, ապա 2026 թվականի նույն ժամանակահատվածում այդ ցուցանիշը հասել է 1047-ի, ինչը նախորդ տարվա համեմատ գրեթե կրկնակի աճ է։
2026 թվականի առաջին կիսամյակի վիճակագրությունը ցույց է տալիս, որ քաղաքացիները ոչ թե պարզապես շարունակում են իրենց խնդիրների լուծման նպատակով դիմել Մարդու իրավունքների պաշտպանին, այլ նախկինի համեմատությամբ էականորեն ավելի հաճախ են դիմում ՄԻՊ հաստատությանը:
Միաժամանակ, դրական լուծում ստացած գործերի զգալի աճը փաստում է, որ Մարդու իրավունքների պաշտպանի միջամտությունը շարունակում է նպաստել մարդու իրավունքների արդյունավետ պաշտպանությանը և խախտված իրավունքների վերականգնմանը։
Մարդու իրավունքների պաշտպանի հաստատությունը շարունակելու է հետևողականորեն իրականացնել իր սահմանադրական առաքելությունը՝ ապահովելով իր մանդատի շրջանակներում յուրաքանչյուր անձի իրավունքների և ազատությունների պաշտպանությունը։
Մարդու իրավունքների պաշտպանի հանձնարարությամբ՝ Պաշտպանի աշխատակազմի Խոշտանգումների և վատ վերաբերմունքի կանխարգելման վարչության (կանխարգելման ազգային մեխանիզմ) և Քրեական արդարադատության ոլորտում իրավունքների պաշտպանության վարչության ներկայացուցիչները մշտադիտարկման չհայտարարված այց են իրականացրել Արդարադատության նախարարության «Գորիս» քրեակատարողական հիմնարկ և ՀՀ ՆԳՆ ոստիկանության ՀՈԳՎ Գորիսի բաժնի ձերբակալվածների պահման վայր։
Մարդու իրավունքների պաշտպանի հաստատություն է դիմել տնային կալանքի տակ գտնվող քաղաքացի՝ տեղեկացնելով, որ իր նկատմամբ կիրառվող սահմանափակումների պատճառով չի կարող անձամբ ներկայանալ փոստային բաժանմունք՝ նամակ ուղարկելու համար։
Աշխատանքային այցով Ստրասբուրգում գտնվող Մարդու իրավունքների պաշտպան Անահիտ Մանասյանը հուլիսի 7-ին հանդիպել է Եվրոպայի խորհրդի մարդու իրավունքների հանձնակատար Մայքլ Օ’Ֆլահերթիի հետ։
Մարդու իրավունքների պաշտպանի աշխատակազմում զանգվածային լրատվության միջոցների մշտադիտարկման արդյունքում արձանագրվել է տեղեկություն առ այն, որ 2026 թվականի հուլիսի 6-ին ձերբակալվել է «Բարգավաճ Հայաստան» կուսակցության նախագահ Գագիկ Ծառուկյանը: