Հայ
EnglishՀայEnglishՏառատեսակների չափսեր 1
Կայքի գույներ
Գլխավոր Կապույտ
Գլխավոր Կանաչ
Գլխավոր Մոխրագույն
Տողերի միջարածություն
Տառերի միջարածություն
Տառատեսակ
ՀայEnglishՀայEnglishՏառատեսակների չափսեր 1
Կայքի գույներ
Տողերի միջարածություն
Տառերի միջարածություն
Տառատեսակ
Ենթավերնագիր դրեք ձեր էլ.փոստին, և մենք միշտ ձեզ կտրամադրեք տեղեկություններ և թարմացուըմներ: Ամեն շաբաթ։ (ոչ սպամ)
Սեպտեմբերի 25-ին Բրյուսելում Մարդու իրավունքների պաշտպան Անահիտ Մանասյանը հանդիպել է Եվրոպական արտաքին գործողությունների ծառայության Մոլդովայի, Բելառուսի, Վրաստանի, Հայաստանի և Ադրբեջանի բաժնի ղեկավար, ԵՄ-Հայաստան մարդու իրավունքների երկխոսության համանախագահ Դերեն Դերյայի հետ։
Հանդիպման ընթացքում քննարկվել են Հայաստանում մարդու իրավունքների պաշտպանության ոլորտում առկա հիմնական զարգացումներն ու խնդիրները, Մարդու իրավունքների պաշտպանի հաստատության գործունեությունը, վերջինիս անկախության ու արդյունավետ գործունեության համար անհրաժեշտ երաշխիքները, ինչպես նաև ԵՄ-Հայաստան մարդու իրավունքների երկխոսության շրջանակում համագործակցության հետագա զարգացումը։
Անահիտ Մանասյանն ընդգծել է, որ պետության կողմից մարդու իրավունքների երաշխիքները պետք է անշեղորեն պահպանվեն բոլոր գործընթացներում: Շեշտադրվել է նաև Մարդու իրավունքների պաշտպանի հաստատության անկախ և արդյունավետ գործունեության ապահովման տեսանկյունից համապատասխան երաշխիքների առկայության ու դրանց գործնական իրացման կարևորությունը։
Կողմերը կարևորել են ԵՄ-Հայաստան մարդու իրավունքների երկխոսության շրջանակում ձևավորված համագործակցության շարունակական զարգացումը։
Վերջին օրերին զանգվածային լրատվության միջոցներով և տեղեկատվական տարբեր հարթակներով տարածվում են Մարդու իրավունքների պաշտպանի հաստատության գործունեության, անահատական դեպքերով իրականացված աշխատանքների, ինչպես նաև Պաշտպանին բողոք ներկայացնելու օրենսդրական պահանջների վերաբերյալ իրականությանը չհամապատասխանող կամ փաստական անճշտություններ պարունակող տեղեկություններ։
Օրվա կապակցությամբ Մարդու իրավունքների պաշտպանը ևս մեկ անգամ ընդգծում է, որ հնարավորությունների հավասարությունն արտոնություն չէ, որն ինչ-որ մեկի կողմից պետք է շնորհվի, այլ իրավունք, որը պետք է երաշխավորվի։
Հոկտեմբերի 2-ին Մարդու իրավունքների պաշտպանի աշխատակազմի Գեղարքունիքի մարզային ստորաբաժանման ղեկավար Անի Հովեյանը մասնակցել է «Հայկական Կարիտաս» կազմակերպության Գավառի «Փոքրիկ Իշխան» ցերեկային խնամքի կենտրոնում կազմակերպված՝ «Ոչ բռնությանը» խորագրով իրազեկման հանդիպմանը։
Հոկտեմբերի 1-ին Մարդու իրավունքների պաշտպանի աշխատակազմի Լոռու մարզային ստորաբաժանման ղեկավար Զարինե Հովհաննիսյանը, Վանաձորի «Մոր և մանկան» պուրակում մասնակցել է «ՄԵՆՔ» Լոռու մարզի երիտասարդական հասարակական կազմակերպության կողմից կազմակերպված հանրային նախաձեռնությանը։