Տառատեսակների չափսեր 1
Կայքի գույներ
Տողերի միջարածություն
Տառերի միջարածություն
Տառատեսակ
Մուտքագրեք ձեր էլ. փոստը՝ նորություններն ու թարմացումները ստանալու համար։ Սպամ չենք ուղարկում։


Նոյեմբերի 16-ին Ծաղկաձորում մեկնարկել է Մարդու իրավունքների պաշտպանի աշխատակազմի կանխարգելման ազգային մեխանիզմի կողմից կազմակերպված՝ «Խոշտանգումների և անմարդկային վերաբերմունքի կանխարգելումը» խորագրով երկօրյա վերապատրաստման դասընթացը։
Դասընթացը կազմակերպվել է Միավորված ազգերի կազմակերպության՝ «Խոշտանգումների և այլ դաժան, անմարդկային կամ արժանապատվությունը նվաստացնող վերաբերմունքի կամ պատժի դեմ» 1984 թվականի կոնվենցիայի՝ 2002 թվականի դեկտեմբերի 18-ին ընդունված կամընտիր արձանագրության հիման վրա ստեղծված Հատուկ հիմնադրամի դրամաշնորհի շրջանակներում։
Բացմանը ողջույնի խոսքով հանդես են եկել ՀՀ մարդու իրավունքների պաշտպան Անահիտ Մանասյանը և ՄԱԿ-ի խոշտանգումների կանխարգելման ենթակոմիտեի (SPT) անդամ Անիցա Տոմշիչը։
Իր խոսքում Անահիտ Մանասյանը կարևորել է կանխարգելման ազգային մեխանիզմի գործառույթների արդյունավետ իրականացման նպատակով կարողությունների զարգացմանն ուղղված պարբերական միջոցառումները՝ ընդգծելով մշտադիտարկման պատշաճ մեթոդաբանության, առանձնազրույցների անցկացման, խորհրդապահության և այլ հանգամանքների կարևորությունը մանդատի ճիշտ իրականացման տեսանկյունից։
Այս համատեքստում Պաշտպանն ընդգծել է միջազգային հարուստ փորձառություն ունեցող փորձագետների ներգրավմամբ մասնագիտական քննարկումների և փորձի փոխանակման կարևորությունը՝ կանխարգելման ազգային մեխանիզմի աշխատանքների շարունակական կատարելագործման առումով։
Դասընթացի նպատակն է ամրապնդել մասնակիցների գիտելիքներն ու գործնական հմտությունները՝ ազատությունից զրկման վայրերում մշտադիտարկման, տեղեկությունների հավաքագրման և գնահատման, ազատությունից զրկված անձանց հետ հարցազրույցների անցկացման, փաստերի վրա հիմնված զեկույցների կազմման և արդյունավետ առաջարկությունների մշակման ուղղություններով։
Երկօրյա դասընթացի շրջանակում անդրադարձ է կատարվում նաև հոգեբուժական հաստատությունների մշտադիտարկմանը վերաբերող միջազգային չափորոշիչներին և իրավական երաշխիքներին, հարցազրույցների անվտանգ ու գաղտնիության պահպանմամբ անցկացմանը, ինչպես նաև հնարավոր հաշվեհարդարի ռիսկերի բացահայտմանն ու դրանց արձագանքման մոտեցումներին։
Ծրագրում ներառված խմբային աշխատանքների, հարցազրույցների մոդելավորման և դերային խաղերի միջոցով մասնակիցները հնարավորություն կունենան գործնականում կիրառելու ձեռք բերած գիտելիքները՝ մշակելով մշտադիտարկման այցերի պլաններ, զեկույցներ և առաջարկություններ։
Նման վերապատրաստման դասընթացները կկրեն շարունակական բնույթ՝ նպաստելով մասնագիտական կարողությունների զարգացմանը և խոշտանգումների ու անմարդկային վերաբերմունքի կանխարգելման աշխատանքների արդյունավետության բարձրացմանը։

Նոյեմբերի 16-ին Ծաղկաձորում մեկնարկել է Մարդու իրավունքների պաշտպանի աշխատակազմի կանխարգելման ազգային մեխանիզմի կողմից կազմակերպված՝ «Խոշտանգումների և անմարդկային վերաբերմունքի կանխարգելումը» խորագրով երկօրյա վերապատրաստման դասընթացը։

Մարդու իրավունքների պաշտպանի հանձնարարությամբ ՄԻՊ ներկայացուցիչները 2026 թվականի նոյեմբերի 5-ին չհայտարարված մշտադիտարկման այց են իրականացրել ՀՀ աշխատանքի և բարեկեցության նախարարության «Ձորակ» շուրջօրյա մասնագիտացված խնամքի կենտրոն» ՊՈԱԿ:

Նոյեմբերի 13-ին Մարդու իրավունքների պաշտպանի աշխատակազմի քրեական արդարադատության ոլորտում և զինված ուժերում մարդու իրավունքների պաշտպանության դեպարտամենտի ղեկավար Արամ Մինասյանը և Կանխարգելման ազգային մեխանիզմի իրականացման համակարգող, խոշտանգումների և վատ վերաբերմունքի կանխարգելման վարչության պետ Լաուրա Գասպարյանը մասնակցել են ՀՀ արդարադատության նախարարության Քրեակատարողական ծառայության կազմավորման 107-ամյակին նվիրված՝ «Պատժից դեպի վերասոցիալականացում․ արդիականացվող քրեակատարողական ծառայություն» խորագրով միջոցառմանը։

Նոյեմբերի 10-ին Հայաստանի եվրոպական համալսարանի Իրավագիտության ֆակուլտետում տեղի ունեցավ վարպետաց դաս՝ ՀՀ մարդու իրավունքների պաշտպանի աշխատակազմի Կանխարգելման ազգային մեխանիզմի իրականացման համակարգող, Խոշտանգումների և վատ վերաբերմունքի կանխարգելման վարչության պետ Լաուրա Գասպարյանի մասնակցությամբ։